İndiyə qədər oxuduğum ən zərif kitablardan biri
Kitab evini axtaran uşağın yolunun köstəbək, tülkü və atla kəsişməsindən bəhs edir. Kitabdakı obrazların hər biri fərqli xarakteristik xüsusiyyətlərə sahibdir amma hər birində özünüzdən nələrsə tapacaqsınız. Kitab haqqında deyiləsi çox şey yoxdur,oxuyun oxutdurun. 
Balaca Şahzadə kitabını bəyəndinizsə,bunu da mütləq bəyənəcəksiniz. Kitabın eyniadlı animasiya filmi var onu da izləyə bilərsiniz
1920-ci illər Azərbaycanına səyahət
İsmayıl Şıxlının oxuduğum ikinci əsəri.
Bu əsərdə 
Dəli Kür ilə çox oxşar motivlər(?) var idi. Hər iki əsər də bəhs edildiyi dövrün zehniyəti, mədəniyyəti, düşüncə tərzi, hakimiyyəti haqqında fikir sahibi olmağa imkan verir. Əsərdə xalqın maariflənməsi və ən əsas olaraq da ordu yaradılması məsələsinə yer verilmişdi.
İsmayıl Şıxlının istifadə etdiyi geniş lüğət, dilin imkanlarından ustalıqla istifadə etməsi əsəri oxuyarkən mənə böyük zövq vermişdi.
Əsərdə məni ən çox təəccübləndirən şərin belə soyuqqanlılıqla qarşılanması idi. Xeyir və şərin bir-birini izləməsini, demək olar ki, bütün əsər boyu müşahidə etdim.
İsmayıl Şıxlının əsərlərində mənim üçün unudulmaz obrazlar olur. Bu əsərdə Ömər koxa vüqarın, müdrikliyin və qürurun, Güllü isə dözümün, soyuqqanlılığın və əsl Azərbaycan qadının simvoluna çevrildi.
Reader Follow Recommendations
Çoxları kimi şəxsi inkişaf kitabı niyyəti ilə başladığım,amma içində bir çox mövzu haqqında səmimi, dürüst və cəsarətlə yazılmış fikirlərin olduğunu anladığım əsər oldu.
Əsərdə bir çox mövzu təkamül nəzəriyyəsi ilə izah edilmişdi. Türk cəmiyyətinin hazırda olduğu vəziyyət və bunun səbəbləri də çox aydın və geniş şəkildə araşdırılmış,şəxs və cəmiyyət olaraq həyatımıza tətbiq etməli, dərs almalı olduğumuz bir çok mövzuya toxunulmuşdu.
Ali Demirsoyun oxuduğum ikinci kitabıdır. Oxuduğum birinci kitabı olan 
Renklerin Kökeni qədər axıcı və rəngli olmasa da, mənə çox fərqli baxış bucağı qazandıran kitab idi
Ali Demirsoyun eyniadlı TEDx çıxışını da tövsiyə edirəm. Çox bəyəndiyim çıxışlarından biri idi.
Spoiler yoxdur, çünki kitabda spoiler verə biləcəyim heç nə baş vermir
