Eşqiyayên zemanên berê
Di nav morîkên bejnên pîrekan de
Li helbestan digeriyan
Û bi her çarînê
Çiyayên wan asê
Serê wan bilindtir dibû
Heyhat û heyçû!
Eşqiyayên zemanên berê mirin
Morîkên wan pîrekan winda bûn
Û nema bêhna tu çarînê
Ji bejna tu pîrekê tê...
...
afirandina ademiyên ji axê, ew ê bi xwe re kût û kêmasiyan jî mezin bikin... ew ê bibin aferîdên natemam û ne tiştekî din. Ji aferîdên natemam jî tenê kar û kerametên natemam çêdibe, ne zêde: Ramanên natemam, kar û ruhên natemam, pesindanên natemam, çîrokên natemam, gotinên....
...
-Min xwest ez ji te re tiştekî bibêjim, Nagîna. Kesek pê nizane... tenê ez û Xwedê, em bi vê yekê dizanin. Û em... ez û Xwedê, em dixwazin tu jî pê bizanî ku: min te divê.