Hiç
@alfaaa
Doktor
Yüksek lisans
Özgürlükler ülkesi :)
9 okur puanı
Ocak 2018 tarihinde katıldı
Fuzuli "Kaside-i Su"Edebiyat
Saçma ey göz eşkden gönlümdeki odlara su
Kim bu denlü dutuşan odlara kılmaz çâre su
Âb-gûndur günbed-i devvâr rengi bilmezem
Yâ muhît olmış gözümden günbed-i devvâra su
Zevk-ı tîğundan aceb yoh olsa gönlüm çâk çâk
Kim mürûr ilen bırağur rahneler dîvâra su
Vehm ilen söyler dil-i mecrûh peykânun sözin
İhtiyât ilen içer her kimde olsa yara su
Suya virsün bâğ-bân gül-zârı zahmet çekmesün
Bir gül açılmaz yüzün tek virse min gül-zâra su
Ohşadabilmez gubârını muharrir hattuna
Hâme tek bahmahdan inse gözlerine kara su
Ârızun yâdıyla nem-nâk olsa müjgânum n'ola
Zayi olmaz gül temennâsıyla virmek hâra su
Gam güni itme dil-i bîmârdan tîgun dirîğ
Hayrdur virmek karanu gicede bîmâra su
İste peykânın gönül hecrinde şevkum sâkin it
Reklam
Şeyh Galib "Edersin"Edebiyat
Gencinen olsam vîrân edersin.
Âyînen olsam hayrân edersin.
Tîr-i nigehden dâğ-ı derûna
Baksan ne işler seyrân edersin.
Sâkî kerâmet sende ya bende
Bahri habâba mihmân edersin.
Nezzâre-i germ etdikçe ey çeşm
Âteşle âbı yek-sân edersin.
Ey huşk zâhid dem urma meyden
Dest-i duâyı mercân edersin.
Zâhid o meh-veş bir nûrdur kim
Büttür demezsin îmân edersin.
Mâdâm uçarsın gözlerde ammâ
Rûyun perî-veş pinhân edersin.
Tabl-ı tehîden gümdür suhanler
Bî-hûde Gaalib efgaan edersin.
Etvâr-ı çerhe uy mevlevî ol
Seyrân edersin devrân edersin.
Nedim-i Kadim "Sanur"Edebiyat
O gonca şû'le-i ahum aceb sabâ mı sanur
Figan-i sub-geh-i bülbüli neva mı sanur
Hezâr hile ile itdi imtihan gönlüm
Hulusumuz dahi ol bi-vefâ riya mı sanur
Çemende gonca ider hande bülbül-i zâre
Bu şiveyi aceb ol sâde-dil vefâ mı sanur
Cihâne kasd ider ol gamze-i sitem-pişe
Belâ-yı ışkına dünyâyi mübtclâ mı sanur
Cihanda bir yer arar ayş içün
Nedim-i nizâr Bu cây-i mihneti bezm-i tarab-fezâ mı sanur.
Nedim-i Kadim "Görince"Edebiyat
Olursa dil n'ola aşüfte hatt-ı yâri görince
Cünûni âşıkın efzun olur bahârı görince
Görürse bülbül eğer ruy-i dilde gonce-i gülden
Figan ider yine her dem yanında hâri görince
Benim o şifte pervane bezm-i hüsn-i ruhinde
Ki ıztırâba düşer şem'-i tâbdârı görince
Aceb mi ruy-i güle ta'n iderse bülbül-i şeydâ
Lelâfet-i ruh-i dildâr-i gül'izârı görince
Nifaka bulsa ruhsat adu o yâr yanında
Nedür tegafüle ba'is Nedim-i zarı görince