Elədir. "Bir universitet bitirdinsə, ikincisini də bitir. Bir dil bilirsənsə, ikincisini də mütləq öyrən" deyirdilər. Belə məsləhət görülürdü. Bekar dayanan adama yaxşı baxmazdılar. Maddi va manavi cəhətdən çalışmaq məcburiyyətindəsiniz.
Onun xüsusiyyəti nədir? Ona niyə dövran deyilir? Kainatın dövr etməsini xatırladan bir hərəkətdir, yəqin...
Dövran dövr etmək sözündən gəlir. Necə ki, külli-kainat dövr etməkdədi, o da eləcə. Aləmlər dairəvi, kürə şəkilli olduğu üçün zikr də dairəvi olur. Seyri-sülukun da dövrü var. İnsanın bu dünyaya gələrək aləmləri dövr edib, sonra təkrar oraya döndüyü kimi seyri-sülukun da tamamlanması bu söhbətə mövzu ola bilər. Bütün zərrələrin bir nüvə ətrafında fırlanması hamımıza məlumdur. Bütün varlıqlar, bütün zərrələr, bütün molekullar bu şüurla dövr edir.
Külli-kainat, bütün qalaktikalar, planetlər, ulduzlar, səmazənlər...
Haqqında bildiyimiz, bilmədiyimiz bütün aləmlər ilahi cazibəyə tabedir, o yaradılışın ətrafında dolan Həzrət da bizə bunu başa salırdı.