Hardasa 2-3 ay bundan öncə bir tanışımla söhbət əsnasında bu kitabdan söz düşdü. Mənə dedi ki, nə vaxtsa bir kitab oxuyub, həmin kitabda 60-65 yaşdan yuxarı nəsili qırmaq və insan sayını azaltmaq məqsədilə bir virusun yayılacağı yazılmışdı. Adının "Gözəgörünməz əl" olduğunu xatırladı, amma üz qapağının bu şəkildə olmadığını bildirdi. Fikirləşdim ki, onun oxuduğu başqa nəşriyyatdan olduğu üçün üz qapaqları fərqli ola bilər. Lakin Ralf Epperson'un dilimizə tərcümə edilmiş tək kitabı var, bu da yalnız "Qanun" nəşriyyatına məxsusdur. Kitabı aldım və nəhayət 2 aydan sonra bugün bitirdim. Çox maraqlıdır ki, heç bir səhifəsində virusla bağlı mövzu ilə rastlaşmadım. Mən çox diqqətli oxumuşam, əminəm ki, bu kitabda həmin mövzu ilə bağlı heç nə yazılmayıb. Kitabı bitirdikdən sonra maraqlandım, müəllifin virusla bağlı iddiaları 1989-cu ildə çap olunmuş "The New World Order" (Yeni dünya düzəni) kitabında qeyd olunub. Həmin kitabın isə dilimizə tərcümə olunmuş versiyası yoxdur. Ralf Epperson'un "The New World Order" kitabında 2020/21-ci illərə dair virus iddialarından bir neçə hissə:
1-ci mərhələ: Soyuqdəymə, qrip, yüngül simptomlar. Kütləvi paranoya, ölüm şəhadətnamələrinin dəyişdirilməsi, digər xəstəliklər də daxil olmaqla bütün ölüm səbəblərinin Covid-19 olaraq təsnif edilməsi.
2-ci mərhələ: Qida çatışmazlığı, sosial distansinqlər, maska və karantin. İmmunitetə daha çox təsir göstərəcək bir xəstəlik. Bu, Covid-19 adlandırılacaq. Hər kəs peyvənd olunana qədər daha çox ölüm halları yaşanacaq.
3-cü mərhələ: Əgər böyük kütlə peyvəndə müqavimət göstərərsə SARS/HIV/MERS virusundan azad olunacaq. Bu vaksinasiya bir xilas olacaq və insanları vaksinasiyaya sürükləyəcəklər. Kimlər ki, vaksinasiyaya razı olacaq, onlar öz yaşayışlarını normal davam etdirəcək, kimlər ki, razı olmayacaq, onlar üçün anarxiya yaranacaq, işləri çətinləşəcək və hər bir şeydə problem yaşanacaq.
Gələk, müəllifin digər kitabı, oxuduğum "Gözəgörünməz əl" kitabına. Ralf Epperson tarixdə baş vermiş bir sıra mühüm hadisələri təsadüf nəticəsində yox, əvvəlcədən planlaşdırılan və məqsədyönlü təşkil olunan hadisələr kimi görən tarixçi, yazıçı və mühazirəçidir. Bu kitabda kommunizm, masonluq, marksizm, inqilablar, Rotşildlər ailəsi, doğumun idarə olunması, abortlar, hər iki dünya müharibəsi, dünya hökuməti, gizli cəmiyyətlər, elm, təhsil, müharibə, sülh, humanizm və s. kimi mövzular, zəngin materiallar və faktlar təfərrüatı ilə yazılıb. Sadalanan mövzularla bağlı geniş məlumatlara sahib olmaq istəyənlər üçün məsləhətli kitabdır. Ancaq müəllifin əsas məqsədi bir növ Sui-Qəsdçilərin - dünyanı idarə edən gizli təşkilatların məqsədini və sirrlərini ifşa etmək, oxucuya həqiqətləri agah etməkdir.