239+65 səhifədən ibarət, oxunması çox rahat, hər kəsin mütləq oxuyub əməl etməli olduğunu düşündüyüm vacib bir kitab.
Böyük günahların sayında ixtilaf olsa da kitabın əsas hissəsində 70 ədəd günahdan bəhs edilir. Hər günah hədis-i şərif və ayət-i kərimələr işığında araşdırılır. Əksər bölmələrin sonunda qısa ibrətamiz nəsihətlərə yer verilib. 400-dən yuxarı hədis-i şərifin olduğu bu kitaba kiçik bir hədis kitabı kimi də baxmaq olar.
Kitabın ən çox bəyəndiyim tərəfi isə dilinin çox rahat olması, oxuyarkən adamı yormamasıdır.
Ubeydullah Küçük xocanın əlavə etdiyi "Böyük Günahlar'a qoşma" hissəsində isə əhl-i sünnətin əsas prinsipləri, dövrümüzün bəzi aktual problemləri, İslama ziyan vurmaq istəyən batil fikirlər və bir sıra digər məsələlərdən qısaca bəhs edilib.
