Ez pê bawer a ke derheqê Şehzadeyê Qijkekî de gelekî nuşteyî nusîyayê û gelekî cigêrayîşî ameyê kerdene. Bi rastî maceraya Şehzadeyê Qijkekî mi ser o zî tesîrêko balkêş verda. Seke nuştox bi xo zî vano, no kitab hem semedê gedeyan hem semedê pîlan o. Mi no kitab bi kurmancî, kirdkî, tirkî, ermenîkî û bi ziwanê osmanî wend. Mi her ziwanî de tehmêko cîya tira girewt. Ez wazena semedê açarnayîşê kirdkî zî çend cumleyan vaja. Açarnayox tîya de bala xo bineyna bidayêne çekuyan ser hîna baş bîyêne çunke tayê îbareyî estê ke wendişî kenê çetin. Kitab hîrê rey çap bîyo la tayê hetan ra rastkerdişêk yan zî averşîyayîşêk nêaseno. Hêvîya mi a ya ke, açarnayîşî vernî de hetê senînîye ra kalîteyin bibê dima hetê çendînîye ra bizêdîyê.
