Mənim ruhuma ən doğma gələn yazarlardan biri və bəlkə də birincisi Xəlil Cübrandır. Bu kitab onun yaşadıqlarını qələmə aldığı xatirələridir. Millətlərin çürük qanunları və eybəcər "mentalitet" illuziyasının sürüklədiyi uçurumdan atlayan növbəti qurbanın hekayəsini dinlədim. Cübranın öz mənəviyyatı və xəyalpərəst dünyasındakı əxlaqi dəyərləri ilə yaşadığı iztirabları mükəmməl bədiiliklə sorğuladığı bu səhifələrdə, o həm də məhəbbətin yetkin obrazını göstərir. Oxucu fədakarlıq və aciziyyət, qərarsızlıq və təslimiyyət, hünər və qorxaqlıq arasında incə cizgiləri tanımaq istəyirsə, bu kitaba göz atsın. Xoş mütaliələr!