...
Bir gaye-i maksuda şitâb eyleyen âdem,
Tutmuşsa bidâyette eğer azmini muhkem,
Er geç bulacak sa'y ile dil-hahını elbet.
Zira bu şu'un-zar-ı tecellîde, hakîkat,
Tevfik, taharrîye, taharrî ona âşık:
Azmin de emel lâzımıdır; gayr-ı müfârık.
Olsun da emel azm ü taharriye mukârin;
Tevfik zuhûr eylemesin sonra.. Ne mümkin!..
Bazen iki üç haybet olur rehzen i ümid
İnsan o zaman etmelidir azmini teşdid
Ye'sin sonu yoktur, ona bir kerre düşersen
Hüsrâna düşersin; çıkamazsın ebediyyen!
...