Di vê pirtûkê de Erick Fromm behsa kesayetî, civakê û fikrên Marks û Freud yên li ser vê mijarê kiriye. Cihên wek hev difikirin û cûda difikirin dinivîse û dawiyê jî rexneyên xwe yê li ser mijarê bi awayekî zelal dinivîse. Fromm mijarê razber awayekî gelekî xweş şênber dike. Karakter, karakterên civakî, xwezaya mirov, sawên mirov û sedemên wê li gor fikrên Freud, Marks, sosyalîzm, kapîtalîzmê rave dike. Li gor min kêmaniya vê pirtûkê eve ku bi tu awayî ne erênî ne jî neyînî bi tu awayî behs nekirina Îslamê ye. Nivîskar behsa Freud, Marks, Schiller, Bûda, Hegel, Goethe, Xristiyanî, Mûsevîtî, faşîzm, sosyalîzm, kapîtalîzm, mîtên yewnan, feylesofên yewnanî û gelek kes û îdeolojiyan din dike lê behsa Îslamê nake.
Wekî pirtûka wî ya bi navê " hûnera hezkirinê" min vê pirtûka wî jî gelekî eciband.
