“Nağara və zurna səsləri eşidilirdi. Küçələr adamla dolu idi. Səfərbərliyə alınanlar, gənc əsgərlər qışqırır, oynayır və yola düşüb gedirdilər. Başlarına nə gələcəyini bilməyən bu bədbəxtlər ölüm barədə heç də fikirləşmir, hey qışqırırdılar: “Ya qalib gələrik, ya da şəhid olarıq!”. Həyatın yeknəsək axarını pozan bu dəhşətli dəyişikliyi təbəssümlə qarşılayan bu qəhrəmanlar ona doğru cumur, nə üçün ölümə getdikləri və harda öldürüləcəkləri barədə heç də düşünmürdülər.”