- O vaxt ağılsız qızcığaz idim. Əslində elə qızların hamısı ağılsız olur, mister Sattertueyt. Özlərinə o qədər güvanirlər ki, elə bilirlər hər şeydən xəbərləri var... Insanlar durmadan "qadın intuisiyası"ndan danışırlar. Məncə, belə bir şey, ümumiyyətlə, mövcud deyil. Qızları məlum tip kişilərdən qoruyacaq intuisiya yoxdur dünyada. Heç na qulaqlarına girmir. Valideynləri xəbərdarlıq edir, ancaq onlar eşitmək belə istəmirlər. Etiraf etmək lazımdır ki, qaranlıq xarakterli kişilər gənc və ağılsız qızlara daha cazibəli
görünür. Elə bilirlər ki, sevgi onları dəyişə biləcək.