Hər şey yox olur. Həmişə mövcud olansa əbədi hərəkət edən kosmik qüvvə və bir də maddədir. Bu ikisi daim hərəkətdədir və üç dəyişilməz tipi həmişə qəbul etməklə hər şeyi yenidən yaradır: keşiş, əsgər, kral. Köhnələrin ağzından bütün dövrlərin hikmətini eşidirik. Bəziləri vuruşacaq, bəziləri hökmranlıq edəcək, bəziləri dualar oxuyacaq, bütün qalanlarsa ömrü boyu qan-tər içində çalışacaq, sonsuz olaraq böyük ağrı və zillət çəkməklə belində sivil dövlətin heyranedici gözəlliklərini, ötəri möcüzələrini saxlamalı olacaqdır.