Əsər almanların qorxulu yuxusu, Azərbaycan xalqının igid oğlu, Sovet İttifaqı Qəhrəmanı Mehdi Hüseynzadəyə həsr olunmuşdur. Kitabdakı hadisələr real tarixi faktlara əsaslanır.
Mehdi Hüseynzadə haqqında tarix dərslərindən öyrənmiş olduğum az bir məlumatım vardı. Həyatından bəhs edən bu kitabı oxumağa qərar verdiyim zaman "Mixaylo"nun həyatının, mübarizəsinin məni bu qədər sarsacağını, eyni zamanda həm kədərləndirib, həm də qürurlandıracağını düşünməmişdim...
Mehdi Hüseynzadə İkinci Dünya müharibəsi zamanı əsir düşmüş, daha sonra düşərgədən qaçaraq, Yuqoslaviya, Triest, İtaliya partizan dəstələri ilə Hitlerçilərə qarşı mübarizə aparmış, çətin döyüş tapşırıqlarını və sabotaj əməliyyatlarını yerinə yetirmiş, qəhrəmanlığı, mərdliyi, cəsurluğu ilə dastana çevrilmişdir.
Əsərdə Mixaylonun mərdliyi, cəsarəti, dostluğu, vətən sevgisi "parlaq boyalarla" əks etdirilib. Kitabı qürur hissi ilə oxudum. Sonu o qədər təsirli idi ki, göz yaşlarıma hakim ola bilmədim.
Daha sonra "Mixaylo"nun həyatını araşdırıb, bu zamana qədər izləmədiyim "Uzaq sahillərdə" adlı filmi izlədim. Bir daha xalqımla, xalqımın igid oğulları ilə qürur duydum.
Şiddətlə tövsiyyə edirəm. Xoş mütaliələr...
"Mehdi kimi adamlar ancaq yaşamaq üçün doğulublar!"
#194443944
Uzaq SahillərdəHəsən Seyidbəyli · Xan Nəşriyyatı · 201925 okunma
