"Şizofrenik" alman yazıçı Vulf Dorndan ilk oxu təcrübəm oldu. Kitabın məzmunu haqqında və təəssüratlarımı bölüşürəm. Belə ki, psixiatr Yan Forstnerin 23 il əvvəl həyatında baş vermiş faciələrin: 6 yaşlı qardaşı Svenin müəmmalı şəkildə itkin düşməsi, elə həmin gecə atasının qəza nəticəsində həlak olması, arxasınca anasının intiharının qarabasmaları onu heç cür rahat buraxmır. Əvvəllər yaşadığı ünvana geri qayıdan Yan, "Meşə klinikası"nda işə başlamağa qərar verir, lakin bir xəstənin gözləri önündə intihara cəhd etməsi onu 23 il əvvəl baş vermiş hadisələrin üstünü açmağa sövq edir. Hadisələrin baş verdiyi məkan və klinikanın tamamilə yazarın öz təxəyyülü olmasına baxmayaraq, "Ölülər dünyası ilə əlaqə", "Yer altına məxsusluq" kimi hələ də elm sahəsinə məlum olmayan proseslər oxucuda müxtəlif cavabsız suallar doğurur. Psixoloji trillerdə detektiv əsintilərin olması, fərqli hadisələrin ustalıqla ardıcıl yığılmasından xüsusilə zövq aldım deyə bilərəm. Hara gediriksə gedək, nə yaşayırıqsa yaşayaq zamanında özümüzü günahkar hiss etdiyimiz hadisələrin vicdan əzabı, qarabasmaları bizi heç vaxt rahat buraxmayacaq. Bu zaman çığırtılarla boğulmuş səssizliyi dalğasız dəniz səssizliyinə çevirmək yalnız öz əlimizdə olacaq.

ŞizofrenikWulf Dorn · Yay Nəşriyyat · 05,4bin okunma

·

113 görüntüleme

Yorum yapabilmeniz için giriş yapmanız gerekmektedir.