Kitab imtahan ərəfəsində hər bir valideynin bilməsi gərəkən vacib məqamlara işıq tutur. Yazarın dediyi kimi "hər valideyn övladını sevir". Lakin bəzi valideynlər özləri də bilmədən uşaqların məktəb, universitet uğurunu düşünərkən, iş, sosial, ailə münasibətlərindəki uğuru unudur. Ən vacib uğur "yaşam uğurudur". Bunun üçün uşaqda hədlər, mesuliyyət, sevgi, özgüvən bilinci inkişaf etməli, uşaq özünün duyğu və düşüncələrini tanımağı bacarmalıdır. Və həmçinin yazar bir insanının həyat üçün gərəkli olan təməl ehtiyaclarını 4 qrupa (yaşamaq üçün ehtiyaclar, öyrənmə ehtiyacı, münasibətlər qurma ehtiyacı və dəyərlərin, inancların olması) bölərək, onların heç birinin digərindən üstün olmamasını və hər birinə eyni qədər önəm verməli olmağın vacibliyini vurğulayır.