Öncəliklə onu qeyd edim ki, uzun zaman sonra yenidən kitablarla bir arada olmaq mükəmməl hissdir. İşlərimlə bağlı kitabı yarıda qoymuşdum. Bitirmək bu günə nəsib imiş.
Kitabda Ernest Heminqueyin iki maraqlı hekayəsi və tərcüməçi Mahir Qarayevin yazarın həyatı haqqında qələmə aldığı yazısına yer verilmişdir. Onu deyə bilərəm ki, hekayələr o qədər də mükəmməl deyil, lakin oxumağa dəyər. Oxuduğunuz zaman anlayırsınız ki, hər iki hekayə quru bir mövzu üzərində qurulmayıb.
Ernest Hemingway həyatına nəzər salsaq, hər hekayənin mövzusunun onun həyatının müəyyən periodlarından bəhs etdiyini aydınlaşdıra bilərik.
Əziz Harri, düzünü de, sən içində Ernestin özündən gizlətdiyi hisslərinin sətirlərdə var olan obrazısan, elə deyil?!
Yaxud, Makomber,sən də Ernestin incinərək baxdığı gözü tox könlü ac olan "yazıq" kimliyi olmalısan, elə deyil?!