"Diqqət, "Zəncirotu şərabı"-nı oxumaq bir qədəh şərabı içərkən hiss edilən meyxoşluq doğura bilər.
Sadə dildə yazılmış, bol-bol səmimiyyəti, təbilliyi özündə birləşdirən bir əsər. Uşaqların təəssüratlarına, onların gözüylə dünyaya baxışına görə bir qədər "Bülbülü öldürmək" əsərini xatırlatdı mənə. Həmçinin, bəzən böyüklərin dərin fikirlərinə, bəzənsə uşaq ağlından fərqlənməyən düşüncələrəinə, hərəkətlərinə də yer verilməsi əsəri daha xoşagələn edir. Qlobal istiləşən dünyamızda yayı sevməyən biri olaraq hətta mənə də bəzi xoş və şirin uşaqlıq xatirələrimi xatırlatdı "Zəncirotu şərabı". İsti günlərdə üşüyən ruhumuzu isitmək üçün yaxşı bir seçim ola bilər. Amma, məncə, bu əsəri yayın sonlarında, payızın nəfəsini azca da olsa hiss etdiyimiz günlərdə oxumaq daha xoş olar :)
·
156 Gösterim
1 Yorum
Lütfen giriş yapınız.
