Küsəyən...
Eşqin özündədir
Qəribə sirlər,
Məgər şirin sözdən
Küsərmi insan?
Artar küsəyənin
Payı, - deyirlər.
Sənə sevgim artır
Sən küsən zaman!
Bəzən yol açırsan
Kimsəsizliyə,
Qalıram dəryada
Tək ada kimi.
"Xudafiz" - deyirəm,
Bilmirəm niyə,
Səninçin səslənir
"Əlvida" - kimi?!
Sənə tapılarmı
Tay küsəyənim?
Qulluq edənim yox,
İş görənim yox.
Axı sən küsəndə
Ay küsəyənim,
Mənim küsü aşı
Bişirənim yox!
Eyni ürək vurur
İki sinədə,
Mənim bir sevimli
Küsəyənim var.
Səhər ayrılırıq
Axşam yenə də
Küsəyən adında
Gözləyənim var!
Sayfa 238 - LiderKitabı okudu
·
265 görüntüleme
Yorum yapabilmeniz için giriş yapmanız gerekmektedir.