Assosiativ təpə payındakı neyronlar, əsasən dofamin mediatorundan ıstifadə edir. Dofamin haqqında əvvəlki bölümlərdə sizə ətraflı məlumat vermişəm və bilirsiniz ki, bu mediatorun çoxalması şizofreniya adlanan xəstəliyin yaranmasına səbəb olur. Şizofreniya zamanı düşüncə xətalarının baş verməsi, təfəkkürün pozulması, xəstənin qeyri-adekvat reaksiyaları məhz buradakı dofamin sinapslarının aktivliyinin çoxalması ilə əlaqədardır. Hətta sensor siqnal olmadıqda belə bu neyronların aktivləşməsi nəticəsində xəstəyə elə gəlir ki, müəyyən obyektlər mövcuddur, onları hiss edir, eşidir, yaxud görür və beləliklə də hallüsinasiyalar yaranır