Yüzün meh-i îd ü ser-i zülfün şeb-i İsrâ
Gamzen yed-i Mûsâ leb-i lâ'lün dem-i Îsâ
Bu hüsn-i Hudâyî ki Hudâ sana virüpdür
Mânî-i cihân yazmadı tasvîrüne hem-tâ
Alnun kamerine yüzün ayına müşâbih
Bunca göz ile görmedi bu çarh-ı muallâ
Şol câm ki nûş eylemişem bezm-i gamunda
Bir sâde habâbıdur anun künbed-i hadrâ
Avnî seni medh eyledi çün tarz-ı gazelde
Matla dedi yüzüne vü ağzuna mu'ammâ Fâtih Sultan Mehmed Yorum yapabilmeniz için giriş yapmanız gerekmektedir.