Tez başlayan Elxan Elatlı sevgim tez də bitəcək deyəsən. Əvvəlki kitablarından da qadın təsvirləri məni əsəbiləşdirmişdi lakin bu kitabda lap ağını çıxardıb. Ən mənasız detalına qədər xırdalayıb yazır. Oxucu çəkmək üçün lazımdır yaxşı amma bu qədər də yox. Yazıçının işi gücü namus, qeyrətdi amma bu qeyrət ancaq qadınlara şamil olunur. Tərbiyəsiz yerdə fahişə ilə görüşən kişi bacım da birdən belə olar deyib bacısının vatsapı, tiktoku, instagramı, telegramını bağlatdırıb rəfiqələriylə görüşməsinə mane olmaq fikrindədir. Hələ bu bakir olmayan "kişi"miz xəyallara gedib ki arvadım birdən bakirə olmaz. Dünyadan gileylənməyi də unutmur sanki özü ibadət evindəymiş kimi. Hə hələ hər əsərində ərinə xəyanət edən və yaxud xəyanət etmək niyyətində olub yanan qadın obrazların da unutmayaq.10 yaşlı qızı axtarırıq amma aradakı qısa səhnələri keçdim bir səhifə tamam cinsi əlaqənin xırdalıqlarına həsr olunub. Birincisi, bu qədər çox erotika ürək bulandırır, diqqət cəlb etmir. (Diqqət cəlb etdiyini düşünən varsa həkimə getsin). İkincisi məncə mövzu olduqca maraqlıdır bu qədər erotika olmasa da oxucu cəlb edə bilərdi. Nəysə. Başladığım işi yarıda qoymağı sevmirəm deyə kitabı oxuyub bitirəcəm amma finala qədər əsəbdən dəli olmasam yaxşıdır.