Kitab haqqında spoiler vermək istəmirəm, amma həyatda ən çox təsirləndiyim kitabdır, hadisələrin axarı və incə-incə təsviri o qədər dəqiqliklə əks olunub ki, yazarın insan olmasına dair şübhə yarandı. Mənim üçün bu əsərdə hər bir obraz ziddiyətlidi, ancaq Svidrigaylov qədər ziddiyətli olanını görmədim.
Raskolnikovun həyatı isə sözün əsl mənasında keşməkeşlidir. Bir hüquq tələbəsi olaraq deyə bilərəm ki, əsər eyni zamanda kriminalistik tərəflər, cinayətkar psixologiya və dövrün hüquq sistemi haqqında məlumat verir. Bir oxucu kimi də onu qeyd edim ki, əxlaq, namus və insani dəyərlərin əks olunmasının yeni üslubu bu kitabda öz təsbitini tapır. Hər kəs mütləq oxumalıdır bu kitabı.