Câm-ı vaslın lezzetin dûr olmayınca bilmedim
Zevk-i hâli mest-i mahmûr olmayınca bilmedim
Zahm-ı aşkın merhemi bir şîve-i yâr oldugun
Seyl-i hûn-ı sîne menhûr olmayınca bilmedim
Ayş-ı bezm-i yâr ile dil-şâd iken magrûr idi
Ol safâyı gayr-ı mesrûr olmayınca bilmedim
Şem’-i hüsn-i dil-rübâdan tâb iken gam-hâneler
Perde-i hasretle mestûr olmayınca bilmedim
Hâfızâ gülşende zâr u nâlesin şeydâların
Ben de gül-ruhsâra mehcûr olmayınca bilmedim
Hafız-ı Maraşî
·
97 görüntüleme
Yorum yapabilmeniz için giriş yapmanız gerekmektedir.