Sahalara geri döndüm
Əslində kitabım da yox idi oxumağa, əlimdə olanlar da hansısa seriyaya aid kitablar olduğu üçün davam kitablarını almaq lazımdı, həm də insan uzun müddət oxumayanda həvəsi itir. Ona görə də ilk kitabımı 2 günə yeyib bitirdim.
Mən belə kitablara "əyləndirərək düşündürən" deyirəm və özlüyümdə ən sevdiyim tərzdi mənimçün bu, klassikləri oxumağa çəkinməyimin səbəbi də budu, mənimçün vacib olan "əylənmək". Nə isə keçək kitaba.
Əsərdə Momo adlı 10-12 yaşlarında qız obrazımız günümüzdə insanlarda çox az rastlanan "dinləmək" xüsusiyyətinə sahibdir. Əsəri oxuyanda sanki uşaq kitabı oxuyurmuş kimi olur insan, amma üzərində düşünəndə çox mesajlar verir insana Michael Ende. Bu tərzinə görə "Balaca Şahzadə"yə bənzəyir, amma "Balaca Şahzadə" çox şişirdilir, mənə görə. Kitabda "duman adamlar" adlandırılan insanabənzər məxluqlar, zamanını verimli keçirtməyən, zamanının azlığından şikayət edən insanlara zamanlarına müəyyən məşğuliyyətlərini təxirə salmaqla, işlərini tez bitirməklə və s. qənaət etməyi təklif edirlər və bu yolla yaşamlarını sürdürürlər. Belə yaşamağın insanların həyatını necə dəyişdirdiyini oxuyacaqsız kitabda. Oxuyarkən bu dəyişiklikləri günümüz dünyası ilə müqayisə etməyi unutmayın.
Zamanımızı keyfiyyətli yaşamaq diləyilə.
·
40 Gösterim
Yorumlar
Lütfen giriş yapınız.