Əsərin məzmunu ilə bağlı məlumat ehtiva edə bilər.Edebiyat
“Anna Karenina” dünya ədəbiyyatının ən məşhur romanlarından biridir. Tolstoy bu əsərində təkcə bir qadının faciəsini deyil, həm də bütün Rus cəmiyyətinin güzgüsünü yaratmışdır.
Tolstoyun ən böyük gücü insanın daxili aləmini açmaqdır. O obrazların düşüncələrini, tərəddüdlərini və vicdan əzablarını elə təbii və təfərrüatlı təsvir edir ki, oxucu hər bir hissi özü yaşayır. Əsərin dili sadə olsa da, dərin mənalar ehtiva edir; Tolstoyun üslubu təbiiliyi, psixoloji incəliyi və möhtəşəm təsvirləri ilə seçilir.
Bədii cəhətdən yüksək qiymətləndirdiyim və sevərək oxuduğum bu əsərdə bir çox obraz yer alsa da, heç biri mənim üçün tam mənada sevimli obraz olmadı. Müsbət obraz kimi Levin diqqətimi cəlb etsə də, onu özümə yaxın hiss edə bilmədim. Kitaba başlamazdan əvvəl Anna Karenina obrazını sevəcəyimi düşünürdüm, lakin oxuduqca təsəvvürümdə formalaşan Anna ilə Tolstoyun yaratdığı Anna arasında fərq gördüm. Buna səbəb Annanın ailəsinə qarşı etdikləri və cəmiyyətdə tutduğu mövqe deyildi. Sadəcə, onun uğrunda hər şeyini fəda etdiyi Vronski ilə münasibəti “ülvi sevgi” anlayışına uyğun gəlmirdi. Vronski ilə birlikdə yaşamağa başladığı andan etibarən mən Annada sevən bir qadın yox, daha çox yelbeyin və ziddiyyətli bir obraz gördüm. Onun qısqanclığı və bəzən özünü və qarşısındakını məcbur edən davranışları Vronskini sıxdığı kimi məni də sıxırdı.
Bütün bunlara baxmayaraq romanın sonlarına yaxın Annaya qarşı həm təəssüf, həm də mərhəmət hissi duydum. Onun içindəki boşluq, tənha və anlaşılmamış qadın olması, sevgi ilə azadlıq arasında sıxılması oxucunu kədərləndirir. Anna öz xoşbəxtliyini axtararkən həm cəmiyyətin, həm də öz ehtiraslarının əsiri olur. Tolstoy faciəvi sonla göstərir ki, insanın içindəki sevgi və vicdan mübarizəsi bəzən onu xilas etməyə deyil, məhv olmağa aparır.
·
638 Gösterim
2 Yorum
Vəfa Hafiz
Gönderi Sahibi
İncələmədən əlavə müzakirəmiz də burada qalsın istədim. 😄
[12.11, 22:47] Vəfa Hafiz☘️: Mənim təsəvvürümdə canlandırdığım Anna Karenina daha fərqli bir qadın idi. Bəlkə də, gözləntim o qədər böyük olduğu üçün mənə belə təsir etdi.
[12.11, 22:48] Vəfa Hafiz☘️: Vronski qarşısında özünü alçaltmadan istədiyi vaxt onu tərk edə biləcək güclü bir qadın olması yaraşardı.
[12.11, 22:49] Vəfa Hafiz☘️: Ki Vronski də bütün bunlara dəyəcək adam deyildi. 🥲
[12.11, 22:49] Çiçək❀: Məsələ elə budu,ilk çox əsəbləşdirir Anna adamı,sona yaxın qəribə yazıqlıq gəlir.Üzərindən 2-3il keçəndən sonra isə Annanı sevirsən)
Qəribə bir şeydi bu)
[12.11, 22:49] Vəfa Hafiz☘️: Bəlkə də.
[12.11, 22:49] Çiçək❀: Bu da yazıçının gücüdü
[12.11, 22:50] Çiçək❀: Vronskidən isə həmişə zəhlən gedəcək 🤣🤣🤣🤣🤣
[12.11, 22:50] Vəfa Hafiz☘️: Annanı xəyanətinə görə sevməyənlər var. Amma mənim məsələm bu deyildi.
[12.11, 22:51] Vəfa Hafiz☘️: "Namus bekçisi" kimi yanaşmamışam. 😂
[12.11, 22:51] Çiçək❀: Bilirəm,onsuzda elə birinə bənzəmirsən
[12.11, 22:52] Çiçək❀: Levin əladı,özü üçün əkib becərib heç kimə qarışmır🤣🤣🤣
[12.11, 22:52] Vəfa Hafiz☘️: 😂🤣🤣
[12.11, 22:52] Çiçək❀: Bilirsən harasına çox həyacanlanmışdım,əməlli elə bil içindəydim
[12.11, 22:53] Çiçək❀: At yarışı var idiyə,əridə Annanın emosialarını izləyir,sonra at arabasında Vronskini sevdiyini deyir
[12.11, 22:53] Vəfa Hafiz☘️: Eynən.
[12.11, 22:53] Çiçək❀: Əla yazıb
[12.11, 22:53] Vəfa Hafiz☘️: Ən həyəcanla oxuduğum yeri.
[12.11, 22:54] Vəfa Hafiz☘️: Ondan sonra Vronski ilə səyahətə çıxanda söndüm mən.
[12.11, 22:54] Vəfa Hafiz☘️: 😂
[12.11, 22:54] Çiçək❀: Vronskidən zəhləm gedir də qardaş🤣
[12.11, 22:55] Vəfa Hafiz☘️: Mən də sevmədim. Bir də Tolstoy sonda rahata qaçıbmış kimi hiss etdim.
[12.11, 22:55] Vəfa Hafiz☘️: Annadan sonrakı hiss və duyğularını açmadan birbaşa müharibəyə göndərir.
[12.11, 22:55] Çiçək❀: O sırada Tolstoyun 'Anna öldü' deyib günlərlə ağlamağı🤣🤣🤣🤣🤣
[12.11, 22:55] Vəfa Hafiz☘️: Ona görə yola verib. 😂😂
[12.11, 22:55] Vəfa Hafiz☘️: Hərgah bir neçə tutarlı cümlə deyir, amma daha əsərə layiq bir son lazım idi.
[12.11, 22:56] Çiçək❀: Hə düz deyirsən
Yorum yapabilmeniz için giriş yapmanız gerekmektedir.