Sinün yüzün güneşdür yoksa aydur
Canum aldı gözün dakı ne eydür
Binüm iki gözüm bilgil canumsın
Bini cansuz koyasın sen bu keydür
Gözümden çıkma kim bu yir sinündür Binüm gözüm sana yahşı sarâydur
Ne okdur bu ne okdur değdi sinden
Binüm boyum sünüydi şimdi yaydır
Temâşâçün berü gel kim göresin
Nite gözüm yaşı ırmak u çaydur
Sinün boyun budağdan ağdı geşti
Cihân imdi yüzünden yaz u yaydur
Bugün ışkun odından ıssı alduh
Bize kayu değül ger kar u kaydur
Bana her gice sinden yüz bin assı
Binüm her gün işüm sinden kolaydur
Veled yohsuldı sensüz bu cihânda
Sini buldı bu kezden beğ ü baydur