Svetlana Kasyan, di sala 1984’an de li Batûmî ya Gurcistanê, di nava malbateke Kurdên Êzîdî de çavên xwe li dinê vekir. Hê zarok bû, piştî hilweşîna Sovyetê malbata wê koçî Kazaxistanê kir û Svetlana di nav wan mercên dijwar ên koçberiyê de mezin bû. Lê daxwaza wê ya ji bo muzîkê ew bir heta Moskowê, li wir di Konservatuara Tchaikovsky de perwerde dît û dengê wê yê soprano hêdî hêdî li hemû cîhanê deng veda.
Di sala 2011’an de gava cara yekem li Şanoya Bolshoi derket ser dikê, êdî deriyên şanoyên herî mezin ên wekî Îtalya û Ewropayê ji bo wê vebûn. Bi taybetî bi rola xwe ya "Tosca"yê re bû yek ji stêrkên herî geş ên operayê. Tiştekî din ê ku Svetlana di nava cîhanê de da naskirin jî, têkiliya wê ya nêz û dostanî ya bi Papa Francis re ye; Papa ew qas ji dengê wê hez kir ku nîşana rûmetê ya "Knight of the Grand Cross" da wê.
Ya herî girîng jî ew e ku Svetlana, tevî ku îro li ser dikên herî luks ên cîhanê û bi zimanên biyanî hunera xwe pêşkêş dike, tu carî xwe ji koka xwe veneqetandiye. Di her hevpeyvîn û fersendê de bi serbilindî dibêje "Ez Kurd im" û ruhê xwe yê hunerî dispêre wê koka xwe ya Êzîdîtiyê. Îro ew hem wekî hunermendeke cîhanî hem jî wekî dayika keça xwe Natalya, jiyana xwe didomîne û nûnertiya çanda xwe di asta herî bilind de dike.
·
67 Gösterim
Yorumlar
Lütfen giriş yapınız.