"Qürur və Qərəz" çox maraqlı bir əsərdir. Mən kitabı oxumazdan əvvəl onun filminə baxmışdım. Belə bir qənaətə gəlmişəm ki, film keyfiyyətli çəkiləndə əvvəlcə ona baxıb, sonra kitabı oxumaq daha yaxşıdır. Bu halda hər ikisindən də zövq alırsan. Filmin gözəl ab-havası var idi və məndə çox xoş təəssürat yaratmışdı. Kitabı oxuyanda da film və oradakı obrazlar birbaşa gözümün önündə canlanırdı.
Xoşbəxt sonluqla bitən əsərlərin yeri bir başqa olur. Çünki insana tamamlanmışlıq hissi verir və geridə nə yarımçıqlıq hissi, nə də kədər izi qalır. Süjet boyu müxtəlif mərhələlərdən keçdikdən sonra, sonda hadisələr elə cərəyan edir ki, hər şey gəlib tam yerinə oturmuş olur.
Əsərdə o dövrün ingilis cəmiyyəti, insanların düşüncə tərzi və mədəniyyəti çox yaxşı işlənib. Kitabı oxuduqca istər-istəməz həmin dövrün İngiltərəsinə səyahət etmiş olursan.
"Qürur" və "Qərəz" anlayışlarına gəldikdə isə, qısa desəm, bu anlayışlar Mister Darsinin Hertfordşir qraflığına gəlişi və oradakı davranışlarının Elizabet və onun ailəsində doğurduğu düşüncələrdən formalaşıb. Onlar Mister Darsini qürurlu hesab edirdilər və bu səbəbdən də ona qarşı qərəzli yanaşırdılar. Hadisələrin gedişatı boyunca isə bu qürur və qərəzin zamanla necə aradan qalxdığını görürük. Görünən odur ki, bir insan haqqında sahib olduğumuz doğru biliklər artdıqca, mühakiməmiz də daha düzgün olur.
Özünəməxsus aurası olan bu kitab mənim yaddaşımda xoş bir xatirə kimi qalacaq.
Jane Austen 
Qürur və Qərəz
Jane Austen Qürur və Qərəz
·
1 +1'leme
·439 Gösterim
2 Yorum
Adətən kitabı oxuyub sonra filminə baxanda filmdən heç zövq ala bilmirəm. Amma öncə filmi izləyəndə kitabın həzzini duymamış oluram deyə film zövqverici olur. Çünki filmlər çox vaxt kitab qədər ola bilmir. Hələ bəzən elə olur ki, kitabı oxumaq kimi bir fikrim olmur, ancaq filmi izləyəndən sonra film o qədər xoşuma gəlir ki, kitabını da oxumaq qərarı verirəm. Düzdür, siz deyəndə də həqiqət var, bəzən filmi izləyəndən sonra artıq ümumi sujetdən xəbərdar oluruq deyə kitabı oxumağa həvəs olmur. Lakin məncə bu əsərə görə dəyişir, yəni əsərdən və ona çəkilən filmdən asılıdır. Filmə baxmaq spoiler olar kitabı oxumağa marağım qalmaz deyə düşünürsünüzsə, onda indi etdiyiniz kimi daha yaxşıdır. Qürur və Qərəz əsərinə gəldikdə bu əsərin filminin yaxşı ekranlaşdırıldığını düşünürəm.
Yorum yapabilmeniz için giriş yapmanız gerekmektedir.