Âşıkam meftûn-ı cânân olmayan bilmez beni
Hançer-i ʿaşk ile kurbân olmayan bilmez beni
Anlamaz ahvâlimi her sûfi-meşreb müddeî
Bâde-nûş-i bezm-i ʿirfân olmayan bilmez beni
Arturup sevdâ ser-i pür-şû'ra her dem zülf-i yâr
İtdiren hep ʿaşk-ı dil-berdir bana terk-i diyâr
Ehl-i derdem sırrımı nâ-dâna itmem âşikâr
Hikmet-i ʿaşk içre Lokmân olmayan bilmez beni
Mâʾilem bir şûha cevr eyler ben itdikce niyâz
Rahm idüp bir dem dil-i bimâra olmaz çare-sâz
Öyle zâr itmiş beni ol Yûsuf-ı iklm-i nâz
Hicr ile Yaʿkûb-ı Kenʿân olmayan bilmez beni
Sâk-i ʿirfân elinden nûş idüp peymâneyi
Târ-ı zülf-i yâre bend itdim dil-i divâneyi
Hep halâyıkdan geçüp itdim vatan mey-hâneyi
Fakr iklminde sultân olmayan bilmez beni
Halk-ı ʿâlem şekker-i la'l-i lebinden kâm-yâb
Kalmışam bî-behre ben ancaḳ esr-i tef ü tâb
Mürg-i cânım Hâmi-âsâ oldı firkatle kebâb
Hasret ü sûz ile biryan olmayan bilmez beni
Hâmî-i Maraşî