Bu gün mən səni gördüm,
Salam vermək istədim,
Üzünü yana tutdun.
Söylə, illərdən bəri,
Qəlbimizin bir duyub
Bir vurduğu illəri,
Axı nə tez unutdun?
Beş ildə gözümüzdən axan o qanlı sellər,
Bir salama dəymədi?
Həyəcanla, fərəhlə, qəmlə dolu o illər,
Bir salama dəymədi?
...
Qazancımız de bumu?
Deyilməmiş o salam əlvidamız oldumu?
Sən mənə zülm eylədin, mənə zülm yaraşır,
Bir salama dəyməyən eşqə ölüm yaraşır.
Bəxtiyar Vahabzadənin "Bir salama dəymədi" şeiri düşdü yadıma