" Gün var əsrə bərabər" romanı bu böyük yazıçının ən kamil, müdrik əsərlərindəndir. Bu əsərdə ən balaca bir işarədən tutmuş adi nöqtələrə qədər hər şey əvvəlcədən düşünülmüşdür. Belə ki, ilk səhifələrdə o qədər də diqqəti cəlb etməyən və bəlkə də əhəmiyyətsiz görünən bir detal o biri səhifələrdə zəruri bir detalla və ya önəmli bir fikirlə tamamlanır. Yalnız onda başa düşürsən ki, ilk səhifələrdə sənə əhəmiyyətsiz görünən sözlər və yaxud cümlələrin nə qədər böyük əhəmiyyəti varmış ".
