O, gündüzlər Rufun məskəninə yaxınlaşmağa belə cəsarət etmirdi, lakin gecələr bir oğru kimi Morzların evinin başında dolanır, işıq gələn pəncərələrə oğrun-oğrun baxır və qızı əhatə edən divarlara belə qəlbində bir şəfqət duyurdu.
Əsl şairin hər misrasında ülvi bir həqiqət çırpınmalı, insanın ən ülvi və ən nəcib duyğularına üz tutmalıdır. Böyük şairin əsərindən bir misranı belə çıxarıb atmaq olmaz. Bu, bütün dünya üçün böyük bir itki olardı.