Bu günləri Finlandiya öz rifahı, iqtisadiyyatı, insanlarının düşüncə tərzi ilə seçilən və bir çox insanın yaşamaq istədiyi ölkələrdən biridir ki, kitabda da bataqlıq ölkəsinin ağ zanbaqlar ölkəsinə çevrilməsinindən bəhs edilir. Əsərin bir ölkənin inkişafı üçün əsas amilin təhsil olduğunu vurğulaması çox xoşuma gəldi. Ölkənin əhalisinin aşağı yaş təbəqəsindən tutmuş qocasına, əlilinə qədər inkişaf etməyə, oxumağa göstərdiyi önəm göstərilir. Yazar bunu İki ayrı evdə ayaqları olmayan qoca və kor bir qoca qadının özlərinin taleləri ilə barışmaması, inkişaf etməyə olan meylləri barəsində olan əhvalat ilə nümunə olaraq göstərmişdir. Təhsil əsaslı bir toplum kitabda bilik və bacarıqların bar verdiyi bir bağça olaraq təsvir edilmişdir. Ziyalı dedikdə ağla gələn şəxs kimdir və nə etməlidir? Sualına cavab məhz bu kitab olardı. Ziyalı ancaq öz halına yanan olmamalı, yaxşı maaş naminə bu yola atılmamalıdır. Onlar xalqın beynidir, xalqa kömək etməlidir. Yəni, inkişaf az bir qismdə yox, bütün cəmiyyətdə olmalıdır. Bu mənə iqtisadçı olaraq, Pareto optimumunu xatırlatdı. Pareto optimumu o vaxt baş verir ki, hər hansı dəyişikliyin qiymətləndirilməsi ya hamının rifah halının yaxşılaşmasını, ya hamının rifah halını pisləndirməməklə heç olmasa bir nəfərin rifah halının yaxılaşdırmasını əks etdirir.
Zövqlər fərqlidir. Mənim xoşuma gəldi. Bəzi kitablar vardır ki, insanın dünya görüşünü artırır məhz bu o kitablardandır..
Ağ Zanbaqlar Ölkəsi.
Kitab Finlandiyanın tarixi , mədəniyyəti, ədəbiyyatı ilə bağlı məsələləri özündə əks etdirir. Finlandiyanın qabaqcıl ziyalıları və müəllimləri xalqın maariflənməsi və özünü dərk prosesində iştirak edirlər. Onlar hər bir sahədə yenilik yaratmağa, xalqı hər tərəfli inkişaf etdirməyə çalışırlar. Xüsusilə tarix sevənlərin mütləq oxumalı olduğu bir kitabdır.