Rozaliya fon Tümmler artıq əlli yaşına çatmışdı, on il idi, dul qalmışdı. Ömrünün bu vədəsində iyirmi dörd yaşlı gənc bir oğlana aşiq olur, təzə eşqindən tər çiçək kimi canlanır, elə bilir bədəni də cavanlaşacaq, ona yenidən sevişmək, ana olmaq imkanı verəcək. Günlərin bir günü qadın orqanizminə xas aylıq nasazlığın yenidən qayıtdığına dəlalət edən hadisə də gəlir başına. Rozaliya uçmağa qanad tapmır, Allahına şükürlər edir, sevincini şikəst qızı ilə bölüşür və Annanın skeptik münasibətini az qala, paxıllıq kimi qiymətləndirir. İçindəki sevginin şövqünə rəğmən, özünü gülünc vəziyyətə salan Rozaliya xanım gün-gündən geri gedir və günlərin birində…
