Fərid Hüseyn (1989) Kürdəmir şəhərində dünyaya göz açıb. Azərbaycan Dövlət Mədəniyyət və İncəsənət Universitetinin Sənətşünaslıq fakültəsinin “Nəşriyyat işi və redaktəetmə” ixtisası üzrə bakalavr, “Kulturologiya” fakültəsinin “Mədəniyyətşünaslıq” ixtisası üzrə magistr təhsili alıb. Hazırda Nizami Gəncəvi adına Milli Azərbaycan Ədəbiyyat Muzeyinin dissertantıdır. Şeirləri ingilis, serb, rus, Ukrayna, gürcü və türk dillərində dərc edilib. “Əlifba sırası”, “Qandalı görməsin”, “Dözmək üçün məşq” adlı kitabları çap olunub. “Kaspi” qəzetinin “Ədəbiyyat Əlavəsi”nin redaktorudur.
“Bir də heç vaxt” şeirlər kitabında müasir insanın yaşantıları, ağrıları, onu düşündürən ən önəmli məsələlər poetik fikrin mümkün imkanları ilə öz ifadəsini tapıb. Bu poetik nümunələrin hər biri sevgiyə, xeyirxahlığa, bərabərliyə xitab edir...
