Sevgilim, gəl mənə sevməyi öyrət,
Bir eşqin yolunda ölməyi öyrət,
Eşqin əzabına dözməyi öyrət,
Ruhuma eşqindən bir zirvə ucalt,
Təkcə unutmağı öyrətmə mənə.
Axsın gözlərindən qəlbimə sevgi,
Duyum kədəri də, öyrət sevinci.
Lap belə incidib küsdür özündən,
Hərdən də bezikim çıxıb özümdən
Təkcə unutmağı öyrətmə mənə.
Mən haqq aşiqiyəm, qəlbim sevdalı,
Ruhum sevgi dolu, dilim dualı,
Öyrət necə olur sevgi masalı
Aşiqtǝk oduna yanmağı öyrət
Təkcə unutmağı öyrətmə mənə.
Səndən istədiyim vəfa, etibar,
Bilirəm bu yolda çətinlik də var.
Qəlbimdə inam da, sədaqət də var
Səninlə qəmlənib, gülməyi öyrət,
Təkcə unutmağı öyrətmə mənə.