"Hadisələr ötən əsrin 30-cu illərində ABŞ-ın Alabama ştatında baş verir. O vaxtlar irqçiliyə qarşı mübarizə bu qədər kəskinləşməmişdi. Əsər balaca bir qızın dilindən səslənir. Bu hekayədə onun qardaşı Cimmi, dostu Dill, atası dürüst, prinsipial, köhnə "cənub aristokratiyasının" sonuncu ən yaxşı nümunəsi, vəkil Attikus Finç də var.
Əsərdə hər şeydən əvvəl Amerika tarixinin dönüş nöqtəsi öz əksini tapıb"
Əsərin mövzusunu çox sevdim. İrqçilik, təəssüf ki, bu gün yaşanan bir problemdi. Və bu təkcə cahillər arasında deyil, oxumuş insanlar arasında da çoxdur. İnkişaf etmiş ölkələrdə bu problem özünü kəskin şəkildə göstərir. Hələ də Amerikada polislər qaradərililərə təzyiqlər göstərirlər. Bütün bunlar bu gün dünyanın mədəniyyət mərkəzi, inkişaf mərkəzi dediyi yerdə baş verir. İnkişaf etmiş ölkələrin bəzilərində millətçilik elə həddə çatıb ki, başqa millətlərə əziyyət edirlər.
Bütün bu hadisələrə baxıram, bir də 7-ci əsrdə gəlmiş bir dinə baxıram və əsl demokratiyanı onda görürəm. Peyğəmbər (s) heç vaxt irqi ayrı-seçkilik etmədi, Bilal onun ən yaxın səhabələrindən biri oldu. Digər millətlərə heç bir zərər verilmədi. Yəhudilər müsəlmanlara əziyyət vermədikləri təqdirdə onlarla birgə öz torpaqlarında yaşadılar.
Ümid edirəm ki, bir gün insanlar əsl üstünlüyün irq, cins, milliyət, var-dövlətlə bağlı olmadığını, insanlıqla bağlı olduğunu anlayarlar
