Xan nəşriyyatının xatirə ədəbiyatı seriyasının 8ci kitabı olan "Cavid haqqında xatirələr" kitabı ilə xoş gördük. Kitab H.Cavidin həyat yoldaşı Mişkinaz Cavid və qızı Turan Cavidin xatirələri əsasında yazılıb. Repressiya illərinin dəhşətini, Sovetin vurduğu ağır yaraları və zərbələri öyrənmək üçün ideal kitabdır. Kitabda Hüseyn Cavidin təkcə başına gələnləri deyil, onun həyat tərzini, əsərlərini hansı şəraitdə yazdığını, ailəsinin yaşadığı çətinliklər də qələmə alınıb. Kitabı boğazım düyünlənərək oxudum deyə bilərəm. Mənə ən çox təsir edən isə Turan Cavidin bu sözləri oldu: "Və çox maraqlıdır ki, biz qarşılaşanda baba 18 gün məndən böyük idi. Babaya dedim ki, biz sonuncu dəfə ayrılanda üç nəfər idik. İndi səni tək qarşılayıram."
Oxuyun, oxutdurun...