Tədqiqatçı və psixoloqların uzunmüddətli araşdırmalarından belə
məlum olur ki, ailə problemlərinin və ailədaxili konfliktlərin çox
hissəsi ər-arvad arasında cinsi uyğunluğun olmamasından
qaynaqlanır. Boşanmaların səbəbləri haqqında dünya üzrə aparılmış
bir çox statistik araşdırmalara əsasən cinsi uyğunsuzluq birinci
yerdə gəlir. Təəccüblü də olsa, maddi çətinlik bu səbəblər sırasında
sonuncu yerdə durur.
Əldə edilən bu kimi nəticələr ailə həyatında cinsi məsələlər barədə
məlumatlı olmağın nə qədər mühüm olduğunu diqqətə çatdırır...
Mən bu kitabı yazmaq üçün 14 il mütaliə, araşdırma, rəy sorğusu
və konsultasiya ilə məşğul olmuşam. Əgər kitabın bəzi cümlələrinin
yüz saat mütaliə, tədqiqat və pasientlərlə söhbətin nəticəsi olduğunu
desəm, mübaliğə etmərəm. Mən başqalarının əsərlərindən sitat
gətirməkdən çox cinsi məsələlərin mürəkkəbliyi barədə fikirləşmiş,
yaxud konsultasiya zamanı insanların sözlərindən heç bir kitabda
oxumadığım nəticələr əldə etmişəm. Mən çox dəyərli olan bu
tapıntıları sizin ixtiyarınızda qoyuram...