Ata olacaq və yeni ata olmuşlar üçün həm çox əyləncəli, həm də bəzi məqamlarda kömək ola biləcək bir kitabdır. Kitabda ataların təcrübələri, başına gələnlər toplanıb (140 dənə). Kitab tərz olaraq "Kurallar kitabı" (bir neçə ay öncə paylaşmışdım) kimi bir şeydir. Bir saat belə çəkmədi oxuyub bitirmək.
Məncə atalıq elə bir şeydir ki, onu hər hansı bir kitabdan, videodan və ya kiminsə məsləhətindən öyrənmək mümkün deyil. Sadəcə onu hər şeyi ilə istəmək lazımdı. Öz təcrübələrinizi özünüz qazanın. Bəlkə də övladlarınıza var-dövlət, lüks həyat verə bilmərsiz amma qucağınız həmişə onlara açıq olmalıdır, hər bir şeydə arxalarında olduğunuzu hiss etdirməlisiz, hər dilinizə gələndə onu sevdiyinizi deməkdən çəkinməməlisiz. Uşaqlarınızın qəhrəmanı olmaq öz əlinizdədir...
P.s onu deyim ki, kitabı 7-8 il tez oxumuşam, yəni ata olmağa filan hazırlaşmıram :)
