Haliçdən Olan Qız
Kurban SaidHaliçdən Olan Qız Reviews
You can find Haliçdən Olan Qız reviews, Haliçdən Olan Qız book reviews, Haliçdən Olan Qız ratings on 1000Kitap.Score
8.1Out of 10
Asiyalı qız Avropalı oğlan
Qurban Səidin "Əli və Nino"dan sonra ikinci məşhur tarixi romanı olan" Qızıl Buynuzdan olan Qız" yaxud "Haliçdən olan qız" adları ilə nəşr olunan əsər Şərq və qərbin qarşıdurmasıdır. Baş Qəhramanları Asiadeh, Hasa, Con(Əbdülkərim), Əhməd Paşa olan kitabda Asiya və Avropanın kültürəl fərqləri daha çox gözə çarpır. Sultan hökümətinin ləğv olunmasından sonra İstanbuldan sürgün edilən Osmanlı Xanədanı və paşalar Avropa ölkələrinə üz tuturlar. Şahzadə Əbdülkərimlə evlənməyə hazırlaşan Əhməd Paşanın qızı Asiadehin gözlənilməz sürgündən sonra bütün həyatı dəyişir. Hərəm tərbiyəsində Şərq üslubunda tərbiyə görmüş qızın Avropada özünü yad hissetməsi normal idi. Əslən Bosniya müsəlmanlarından olan Hasa ilə evliliyi və daha sonra Cona qovuşmasınıda müəllifin Şərq insanını qərb insanı qarşısında qalib etməsi kimi başa düşmək olar, yaxud da qərb qərbə şərqdə şərqə aiddir kimi də qələmə vermək olar. "Əli və Nino"nu oxuyan hər kəsin bu romanı oxumasınıda tövsiyə edirəm, iki əsəri müqayisə isə etdikdə isə ilki şübhəsiz ki, daha üstündür.
Əvvəlcə, onu bildirmək istəyirəm ki, kitabı Qanun nəşriyyatı 2 fərqli adda nəşr etdirib. Biri "Qızıl buynuzdan olan qız", digəri "Haliçdən olan qız"
Qızıl buynuz (digər adı Haliç) Türkiyədə bir limandır. Yəqin ki, hal-hazırda çimərlikdir (ciddi araşdırma aparmamışam)
Əsər 18-19 yaşlı dilşünas tələbə ilə həkim Hasa arasında olan münasibətdən, qızın qarşılaşdığı mədəniyyət şokunun keçmişdə yaşadığı həyatıyla müqayisə etməsindən bəhs edir. Hadisələr əsasən Osmanlı imperiyasının süqutundan sonrakı dövrlərdə baş verir. Bir şahzadəyə nişanlı olan Asiadeh Berlində Hasa həkimə aşiq olur və ailə həyatı qururlar. Amma 2 mədəniyyət arasındakı ziddiyyət onları bir-birindən ayırır.
Əsərdə kəskin surətdə Qərb kişisi ilə Şərq kişisi arasında fərq nəzərə çarpır.
Ümumiyyətlə, bu roman haqqında çox şey yazmaq olar amma çürükçülük də etmək istəmirəm. Əsərdə müəyyən boşluqlar vardı, adaptasiya olmağıma mane olurdu.
Valideynləri Ukrayna yəhudisi olan, alman dilində yazıb yaradan, Bakıda doğulub böyüyən və İtaliyada ömrünü başa vuran Qurban Səidin həyatına aid ciddi bir araşdırma oxumuşdum yaxın günlərdə. Qurban Səidin həyatı ilə yaxından tanış olan biri üçün bu əsərdə həyatından izlər tapmaq çox asandır, Berlində türkologiya tədqiqatı aparmaq, Osmanlı tarixi ilə maraqlanmaq, Şərq mədəniyyətini dərindən mənimsəməyə çalışmaq - bunlar əslində kitabımızın qəhrəmanı Asiadeh kimliyinə bürünmüş Qurban Səidin özüdür. Təsadüfi deyil ki, öz yəhudi kimliyindən qurtulmaq üçün Lev adından imtina edərək Qurban Səid adını götürmüş və həmişə özünü şərqdən biri olaraq hesab etmişdir.
Əsərdə isə çatışmayan şeylər o qədər çox idi ki, əsərdən çox sanki Qurban Səidin beynindəki fikirləri oxuyurdum, qəhrəmanların heç biri ilə yaxınlıq qura bilmədim. Bəzi dialoqlar sanki az-maz daxili dünyalarını anlamaq üçün yol kimi görünsə də, növbəti hissədə hər şey başa dönürdü. Baş qəhrəman mütəmadi olaraq şərqi xatırlayır, öz adət-ənənələri üçün yaşamağa çalışır və sonda da yolunu o cür seçir. Qurban Səidin şərq və qərb arasındakı fərqi izah etmək üslubu kobud idi, əsas problem bundadır. Əlbəttə ki, indi oturub şərq-qərb müqayisəsinə baxmaq daha rahat gəlir insana, çox şey dəyişərək bir-birinə yaxınlaşıb, amma müəllif də şərqin və qərbin insanını fərqləndirmək üçün çox ifrat nöqtələrə toxunub, zənnimcə, çox insan həyatını elə pik nöqtələrdə yaşamır. Bu səbəbdən roman sürreal ovqata bürünmüşdü.
🫎"Qızılbuynuzdan olan qız"
Dünyaca məşhur "Əli və Nino" əsərinin müəllifindən növbəti möhtəşəm qələm işi Sadəcə niyə bu əsər bu qədər məşhur deyilllll.......
Mənim kimi tarix takıntısı olan bir insan üçün bu əsər nə qədər maraqlı gəldi özünüz düşünün
Romanda sarayından didərgin düşmüş bir paşa və onun şəhzadə üçün yetişdirulən qızından söhbət gedir. Ancaq əsərdə daha nələr yoxdur- şərq və qərb münasibətləri,əbədi sədaqət,vətən sevgisi,kişilik və qadınlıq göstəriciləri daha nələrr nələrrrrrrr....
Əsərin baş qəhrəmanı Ənbəri adlı paşa qızıdır,o artıq şəhzadə üçün yetişdirilmiş,sarayda yaşamır. Ənbəri Berlində kiçik bir evdə atası ilə birgə yaşayır və filologiya üzrə təhsil alır, əcdadlarının dilini,tarixini öyrənir. Belə bir dönəmdə vətən coffeti çəkdiyi,Berlinə uyğunlaşmağa çalışdığı bir vaxtda bir həkimlə qarşılaşır......
Allahım əsərdə o qədər dolanbaclı hadisələr var ki, inanın sizə buradanə qədər danışsam da spoiler almış olmazsınız...
Odur ki,ümidvaram sevimli oxurlar bu kitaba xüsusi diqqət yetirəcəklər
Bütün bu sınaqları bizə Allah bəxş etmişdi….
Osmanlı süqut etsə də, qadınlarının “entrika” qabiliyyəti davam edir :D
Dönəm romanı olduğu üçün, etdiklərini yarqılamamağa çalışıram, amma şeytanın ağlına çomaq soxandan sonra “Allahın təqdiri” havaları da biraz şey :D