Hemû Helbest
Şêrko BêkesSözler ve Alıntılar
baskê bazekî şikandin
asîman firrînek wenda kir
çavê xezalekê korr kirin
awirek ji kîsê deştê çû
guleyek ket qirika kewekê
çiya stranek wenda kir
lê dema ku jinek kuştin
evînek ji kîsê hemû dinyaye çû
dibêjin av pirr sempatîk e
dema ku li ber awêneya
kaniyekê dikene
dibêjin dar pirr sempatîk e
dema ku kulîlka yekem
li pora xwe dide
dibêjin çiya pirr sempatîk e
dema ku cara pêşîn
kirasê berfê li xwe dike.
dibêjin deşt pirr sempatîk
dema ku êvar tê
di kêleka wê de radikeve...
Spîtirîn bajarê dinyayê
Ronîtirîn kolana dinyayê
Her li ku be
Bi jineke parsek re
Bi zarokeke pêxwas re
Li pêş çavên min
Tarî tarî reş dibin
Ji bo ku 'reş'
Gunehê wê bi wê neyê
Berfê dilê wê xweş kir...
Guldankekê, ji kerba kulîlkên xirab ên hundirê xwe
Rojekê bi destê xwe, xwe şikand
Sayfa 16Kitabı okudu
Ax dayê can
Gelo dibe solên xwedê çiqas mezin bin
Kîjan hejmarê li xwe dike
Sayfa 94Kitabı okudu
sala pirtûkê
sala jinê
sala zarokan
ey nûnerên neteweyên yekbûyî
li vir, di sala pirtûkê de
pênûs kuştin
li vir, di sala jinan de
zarok kuştin
li vir, sala zarokan de
dayîk kuştin
li vê derê, sal weke par e
par pêrar e
li vir, tenê navê salekê heye
sala zindan û sêdarê