-Pamela, ikiyə bölünmüş olmanın yaxşı tərəfi budur ki, yer üzərindəki hər kişinin, hər qadının, hər şeyin özündəki əksikliyi ilə bağlı hiss etdiyi ağrını yaxşı başa düşürsən.
-Var olan hər şey beləcə ortadan bölünə bilsəydi,-qayalara düzdüyü və hələ də çırpınan səkkizayaqlıları tumarlayan dayım sözünə davam etdi, - hər kəs korlaşmış, cahil bütövlüyündən sıyrılıb qurtulardı. Bütövkən mənim üçün hər şey təbii,qarışıq, hava kimi məntiqsiz idi; hər şeyi gördüyümü düşünürdüm, halbuki bu, sadəcə görüntü imiş. Sən də bir gün özünün yarısı olarsan; olmağını diləyirəm, övladım. O zaman bütöv beyinlərin içindəki ağıldan da kənarda nələrinsə olduğunu başa düşəcəksən