İskəndərnamə sözleri ve alıntılarını, İskəndərnamə kitap alıntılarını, İskəndərnamə en etkileyici cümleleri ve paragragları 1000Kitap'ta bulabilirsiniz.
Qızıl toz halına gələrsə əgər,
Civəylə onları cəm edər zərgər.
Dağınıq qızılı mahir sənətkar,
Madam ki, civəylə bir yerə yığar,
Bizim də əczamız dağılsa, bir gün
Onu da cəm etmək mümkündür, mümkün!
De, nə cür ayrılsın ruh bədənimdən
Qovuşum Allaha hansı yolla mən?
Bilirəm, yaradan birdir dünyanı
Harda tapmaq olar bəs Yaradanı?
Özü gizlindədir, nişanı aşkar
O bağlı qapını mənə kim açar?
Hardadır, nə deyim, əgər sorsalar?
Yerdəmi, göydəmi, hardadır deyin
Onun varlığını isbat eyləyin!
..Cavabı belədir bunun:
Bu söz həm qısadır həm də çox uzun.
Özündən üzünü çevirən zaman
Allahın yolunu tapmış olarsan.
Varkən bu dünyada hər cürə büsat,
Behiştdə nə üçün axtaraq həyat?
İnanma ki, cənnət burdan şən olsun
Deyirsən yaxşıdır, sən deyən olsun.
Bizə də behişte bir yer ayır sən,
Sil pis naxışları düşüncəmizdən.
"Bilənlər padşahı olsa da yenə,
Bu gənclər möhtacdır qoca fikrinə.
Gənc budaqlarıyla oynarsa qabaq,
Başını ucaldar bir köhnə budaq.
Bilikdə birinci olsa cavanlar,
Qocalar fikrinə ehtiyacı var."
Heç yoxdur qorxumuz yanlış sözlərdən
Çünki bəhs edirik naməlum yerdən
Düşünüb mən belə verirəm qərar
Ki, yoxdan yaranmış bütün varlıqlar.
Vardan yaratsaydı varı yaradan
Əbədi qalardı mayə hər zaman
Mayədən doğulmaq- yaratmaq deyil
Kəndxuda başqadı, Xuda başqa bil!