Şəhriyar dostları ilə kəşf etdiyi bunkeri sevgilisi Aydana göstərmək istəyir. Bunkerdə rastlaşdıqları qəribə, vahiməli yerdə Aydan qeybə çəkilir. Şəhriyar Aydanı tapmaq üçün keçid vasitəsilə "sərhədi" keçərək təsadüfən mövcudluğundan xəbər tutduğu macəra dolu Həylan dövlətinə düşür. Labirint kimi azıb qaldığı eyni adlı bu şəhərdə Şəhriyarı gördüyü hadisələrdən yaranan suallar onu ildırım kimi vurmağa başlayır. Bu şəhərin Aydanla nə əlaqəsi var idi? Çətin, əzablı yollardan keçən Şəhriyar görəsən Aydanı HƏQİQƏTƏN tapa biləcəkmi?
Əsəri ilk başda oxuyanda macəra, fantastik əsər olduğu zənn etmişdim. Həylan dövləti, Sərhəd - bunların nə olduğunu anlaya bilmirdim. Lakin əsər məni şoka salmağı bacardı. Sonluğunu tamamilə gözlənilməz oldu. Hətta, oxuduqdan sonra bir müddət donmuş halda qaldım desəm yeridir
Rənglərin mənası nə idi, Keçid, sərhəd nə demək idi, sarı məxluq niyə Şəhriyara bu qədər təsir etmişdi, Şəhriyar Aydanı tapıb oradan qurtula bildimi? Bütün bu sualların cavabını əsəri oxuyanda tapacaqsınız. Məncə, bu əsərə mütləq şans verin
İndi isə əsərin mənə öyrətdiklərindən danışacam: Əziz dostlar, narkomaniya bizim düşündüyümüzdən də çox təhlükəlidi və dəhşət dərəcədə çox yayılıb. Biz bununla mütləq mübarizə aparmalıyıq. Onun zərərlərini gənclərə çatdırmalıyıq.
Əsər haqqında çox danışmaq, müzakirələr etmək mümkündü. Bu da əsəri mənə daha çox sevdirdi