You can find Nə Xoşbəxt İmişəm Bir Zaman, Allah! books, Nə Xoşbəxt İmişəm Bir Zaman, Allah! quotes and quotes, Nə Xoşbəxt İmişəm Bir Zaman, Allah! authors, Nə Xoşbəxt İmişəm Bir Zaman, Allah! reviews and reviews on 1000Kitap.
İtdim bir şəhərdə mən,
Ünvan çıxdı yadımdan.
Oldum ki, elə qərib,
hətta qorxdum adımdan.
İndi Şərq nə,
Qərb nədir,
İndi çox qəribədir,
İndi sol da sağımdır
İndi sağ da solumdur
Ağlamaqdan yorulur...
Qalxır,
Baxır,
Ağır və sakit,
yorğun,
çarəsiz
Milyonillik kədərlə,
İndi artıq sualsız,
təmənnasız,
mənasız,
İntəhasız nəzərlə.
İndi qəm də yorulub,
İndi qız da yorulub...
Həsrətin araya atdı dağ, dərə,
Sönən işıq oldun, batan səs oldun.
Qayıt, mənim gülüm, qayıt bu yerə,
Ey mənim istəyim, nə gəlməz oldun!
Ümidlər, arzular pəran-pərəndir,
Qəlbə təsəllidir xatirələrim.
Bir halımı soruş, könlümü dindir;
Axşamlar yadıma düşür səhərim.
Qayıt, mənim gülüm, yerbəyer elə
Dərdli səhərləri, gecələri sən.
Çaşıb başqa yolla keçirəm elə,
Düz öz qaydasınca küçələri sən.
Qayıt, yerinə qoy Ayı, Günəşi, -
Yenə olduğutək görüm həyatı
Qayıt, gözüm nuru, könlüm atəşi,
Qayıt, sahmana sal bu kainatı!