Niyə Susursan, Polkovnik? sözleri ve alıntılarını, Niyə Susursan, Polkovnik? kitap alıntılarını, Niyə Susursan, Polkovnik? en etkileyici cümleleri ve paragragları 1000Kitap'ta bulabilirsiniz.
O bu işgəncə üsulundan məlumatlı idi.Bilirdi ki, bıçağı buda soxub ucunu sümüyə dirəyəndə insana dözülməz ağrı verir.El arasında belə deyim də var:bıçaq sümüyə dirənib
Əsl qəhrəmanlıq o idi ki, insanlara doğru yol göstərəsən, pis yoldan çəkilmək istəyənlərə yardım edəsən. Onlardan üz döndərməyə, onları dərhal cəzalandırmağa tələsməyəsən...
Görəsən pis həkimlər milləti daha çox öldürür, yoxsa pis müəllimlər? Çətin sualdır. Hər halda, mübahisə etmək olar. Biri göz görə-görə öldürün axırımıza çıxır, o biri diqqəti cəlb etmədən,yavaş- yavaş...
Qasımlı həyatı boyu çox yaltaq, ikiüzlü, qorxaq adamlara rast gəlmişdi. Bilirdi ki, yaltağın da, yaltaqlığın da növləri, çeşidləri olur. Rəssamların satirik jurnallar üçün çəkdiyi karikaturalarda yaltaqlar, demək olar ki, həmişə eyni cür təsvir edilirdi: irişə-irişə belini əymiş, əlini sinəsinə qoymuş vəziyyətdə. Amma Qasımlı bununla razılaşmırdı. Onun fikrincə, yaltağın gülərüzlüsü də olurdu, qaraqabağı da, boş-boğazı da olurdu, ciddisi də, axmağı da olurdu, ağıllısı da, təmənnalısı da olurdu, təmənnasızı da... Və nəticədə heç nə dəyişmirdi. Yaltaq elə yaltaq id, vəssalam...
Tanrı insanı yaradanda onu və gələcək nəsillərini doğru - düzgün yaşatmaq üçün ətrafındakı torpağı, suyu,havanı, günəşi ona verib, deyir ki, yaşamaq üçün sənə lazım olan budur. Çox uzağa getmək lazım deyil.