İkinci dünya müharibəsi ərəfəsində İranda yaranmış azadlıq hərəkatından bəhs edən bu əsərdə Fridunun, Musa dayı və onun ailəsinin , Sərxan, Fəridə, Südabə,Kürd Əhməd kimi azadlıq mücahidlərinin keçdiyi ağır, əzablı yolların şahidi oluruq. Şah üsul idarəsi dövründə İranın tərkibində olan Cənubi Azərbaycanlıların keçirdiyi ağır günlər hər bir təfsilatı ilə qələmə alındığı əsəri oxuyarkən o hissləri onlarla bərabər yaşayırıq.Kəndlilərin ağır güzəranı, fars olmayan insanların daim təhqir olunması, yuxarı təbəqənin almanlara, ingilislərə satqınlığı və s.gözlərimiz önündə canlanır.Əsəri oxuduqca Cənubi Azərbaycanlı soydaşlarımızın çəkdiyi acıları bir daha dərindən hiss etdim.Minlərlə Musa dayı kimilərin həqiqətən yaşamış olması, əsər boyu oxuduqlarımızın ,bəlkə də daha artığının həqiqətən yaşanmış olması ...
"Gələcək gün " romanı Vətənimizin keçdiyi ağrılı yolları bir daha gözlərimdə canlandırdı. Hər bir Azərbaycanlının oxumalı olduğu əsərdir , fikrimcə.