Seçilmiş Əsərləri Sözleri ve Alıntıları
Seçilmiş Əsərləri sözleri ve alıntılarını, Seçilmiş Əsərləri kitap alıntılarını, Seçilmiş Əsərləri en etkileyici cümleleri ve paragragları 1000Kitap'ta bulabilirsiniz.
"Qara - matəm rəngidir" belə demişlər hamı,
Qara örpəkli gördüm qoca vaxtı anamı.
Çoxlarında bu rəngə hüsn-rəğbət görmədim,
Düzü, mən də könlümü heç qaraya vermədim.
Lakin o gün keçəndə önümdən narın-narın,
Ah, nə gözəl göründü şəvə kimi saçların!
Qapqara gözlərində nə qədər də həyat var!
Sönükdür qabağında ən işıqlı ulduzlar.
Sənin.
Sevgilim, deyirlər, xeyli zamandır
Aya şölə verir camalın sənin.
Aşiqin cəzb edir hər axşam, səhər
Özün olmayanda xəyalın sənin.
Ey bahar könlümün körpə turacı,
Eşqimin vüqarı, başımın tacı.
Hicranın o qədər olmazdı acı
Şirin olmasaydı vüsalın sənin.
Mən səni sevmişəm, sevimli canan,
Bir canım var olsun yolunda qurban.
Rahim olardımı hüsnünə heyran
Əgər olmasaydı kamalın sənin?!
Axı bircə dənəsən
Şən qızların içində.
Ay gözə tez görünər
Ulduzların içində.
Mən də baxıb söylədim:
Qəlbim alma olaydı,
Onu, öz əllərilə
Mehribanca alaydı.
Budaqlara qayğısı
Uzun ömür verən qız.
Baxdıqca doymadığım
Bağda alma dərən qız.
Bənzərin qızlgülədir.
Fərəhlə gəzəndə yamaclar boyu
Baxıb həsrət çəkər dağda qar sənə.
Demirəm bənzərin qızılgülədir,
Oxşar təravətdə ilk bahar sənə.
Bu dünyada sevməyənlər ölüdür,
Çox şirindir əhdi-peyman sevgilim!
Eşq insanın həyatının gülüdür,
Ətir saçar zaman-zaman, sevgilim!
Mən uğrunda vuruşlara girmişəm,
Çox dəhşətlər, çox tufanlar görmüşəm,
Eşqim üçün imtahanlar vermişəm,
Söyləmişəm keçər hicran, sevgilim!
Rəng alıb, rəng verir güllər, çiçəklər,
Ətrini duyuram mən hər birində.
Gözəl surətini aydın üfüqlər
Göstərir sevimli şəfəqlərində.
Səni düşünürəm mən, ancaq səni,
Gözlərim dikilib uzun yollara.
Səni axtarıram gəzib gülşəni,
İntizar səbrimi çəkmişdir dara.
Sənsə gəlməyirsən. Nə çiçək, nə gül,
Dodağı nəğməli nə büllur bulaq.
Qəlbimi açmayır. Kövrəlir könül,
Səni düşünürəm tək, səni ancaq.